اسئلة المقابلة الشخصية للمهندس المدنى حديث التخرج
بدون كذب تعرف تجاوب على كام سؤال من ال 22
مدير الشركة يريد التاكد بان حديث التخرج هل يفقة شيئا فى التنفيذ ام لا لذلك يختبرة بمعلومات هندسية وتنفيذية لكى يتاكد بانه مناسب للعمل معه ام لا .. اما المهندس صاحب خبرة 8 سنوات فاكثر لايحتاج المدير بان يساله اسئلة عملية لانه خبرة .. فيساله اسئلة مثل لماذا تريد العمل فى هذة الشركة ؟ كيف ترى نفسك بعد 10 سنين اخرى ؟ وهكذا
فهذة الاسئلة ليست مناسبة لحديث التخرج
لذلك اضع بين ايديكم الاسئلة التى سوف تواجه كل مهندس مدنى حديث التخرج للعمل فى مواقع التنفيذ وماخوذة من تجارب المهندسين ومن تجارب شخصية
بسم الله
اولا بيقرا ال c.v وبيسالك انت خذت دورات ايه ؟ ونزلت التدريب فين ؟
ثانيا بيسالك على مشروع تخرجك اسمه ايه ؟ وبيعمل ايه ؟ واستفد منه ايه ؟
واياك تقوله ان مشروعك خرسانه وكانك معاك مشروع سكة او طرق لانه سوف يسألك فيه وكانك مش عارف يبقى مهندس فاشل بالنسبة له وتعتبر كذاب وتروح فى داهية فخليك واثق من نفسك وقول الصدق
1- عندك قاعدة خرسانية 2*3 م ............ بالنسبة للحديد الفرش هيبقى فى اى اتجاه ؟ وليه ؟
2- اشرحلى اختبار الslump test ? وبنعمله ليه ؟
3- لما بنيجى نصب الخرسانة بناخد كام مكعبات الكسر عشان نعمل ليهم اختبار ؟ وكل كام متر مكعب ؟
4- المترالمكعب الخرسانة درست فى الكلية انه يتكون من .8 م3 زلط و .4 م3 رمل؟؟ مع العلم ان مجموع النسب دى يعطى 1.2 م3 فما تفسيرك لذلك ؟؟
5- فاصل صب الخرسانة المسلحة بيكون عند( الزيرو شير) ولا( الزيرو مومنت)؟؟ وليه ؟؟
6- بنوصل الحديد فى الكمرات عند ............... (الركائز ولا الوسط ) وليه ؟؟
7- ازاى بتستلم الخنزيرة من النجار ؟؟؟؟؟
8-الحديد الاضافى العلوى فى البلاطة الفلات يسمى ف السوق ب ...............
9- لو الارض صخرة وانت عايز تحفر على عمق 3 متر .. فأى نوع من انواع عربية الحفار تستخدم لحفر الصخور ؟
10- لماذا تستخدم الاحلال تحت الخرسانه العادية ؟
11- ايه نوع الاسمنت المستخدم فى الاساسات ؟ والمستخدم فى السقف ؟ والمستخدم فى حوائط الخزان؟
12 - لو وصلتلك تقرير بان مكعبات الكسر فشلت بعد 28 يوم اتعمل ايه ؟
13- ما اسم القطعه الخرسانية التى توضع فى ال cover فى الكمرات والسقف والاعمدة والاساسات ؟ وما سمك ال cover لكل منهم ؟ وليه بنستخدمها ؟
14- الوصلات فى الحديد تقول 65 مرة القطر فكم طول الوصلة لسيخ قطرة 22؟
15- وزن المتر الطولى للاسياخ معروفة فى جدول الحديد .. افرض انت مش معاك الجدول ومش حافظة ازاى تطلع وزن المتر الطولى لسيخ قطرة 16 من غير جدول ؟
16- الحداد لو سالك وعايزك تفصلة الكانه لكمرة طولها 30*70 يبقى طول السيخ للكانه الواحده كم متر ؟
17- كثافة الحديد بساوى كم ؟ وكثافة الخرسانه العادية والمسلحة بيساوى كم ؟
18- المتر مسطح مبانى فيه كم طوبة ؟ والمتر مكعب مبانى فى كم طوبة ؟
19- اذا كان عندى عمود طوله 30 سم وعرضة 60 سم وارتفاعه 3 متر ازاى اعرف وزن العمود ؟
20-ايه الفرق بين التيودوليت ؟ والتوتال استيشن ؟
21- كيف تستلم الاعمدة ؟ وكيف تستلم السقف ؟
22- وفى نفس الوقت كان فيه حدادين مسلح جايين يعملوا مقابلة ... فالمسئؤل قال ادى الجمل وادى الجمال .... المهندس موجود والحداد موجود ..اختبر الحداد يا بشمهندس ؟؟؟؟؟؟؟؟؟؟؟
يبقى المطلوب منك فى البند 22 تكون عارف شوية مصطلحات النجارة والحدادة ومصطلحات التنفيذ عشان تختبرهم وانواع الخشب وايه الفرق بين الالواح والعروق فى الخشب ووزن المتر الطولى للسيخ لكل قطر
يعنى مهندس مدنى ممتاز لازم يتعب شوية من اولها ولازم تكون مستعد فى الاسئلة دى عشان تعدى المقابلة الشخصية بنجاح وتبدا فى العمل ثانى يوم مباشرة
ليست هناك تعليقات:
إرسال تعليق